HStAOrient5a: 65v

maḫṣūṣ degüldür belki qasem Mekkede nāzil olan Qurʾānadur. Taḥqīq‑i // kelām budur ki Tīn ve Zeytūn Bilād‑i Şāmda [iki] kūh‑i be‑nāmdur. Birisinde // diraḫt‑i incīr [bisyār] ve birinde şecere-i zeytūn bī‑şümārdur. Ḥażret‑i ʿĪsāya // İncīl bu iki kūhda nāzil olmışdur. Ve Ṭūr‑i Sīnīn bir kūh‑i pür‑ // temkīndür ki maʿrūfdur ḥażret‑i Mūsāya mevżıʿ‑i münācāt ve maḥall‑i // nüzūl‑i Tevrīt ol kūhdur. Ve beled‑i emīn Mekkedür ki evvel Qurʾān // anda nāzil olmışdur. Pes dėmek olur ki qasem şol ḫudāvende // ki Tīn ve Zeytūnda Kitāb‑i İncīli [ʿĪsāya] irsāl ve Ṭūr‑i Sīnāda Tevrīti // Mūsāya inzāl ve Mekkede Qurʾānı Muḥammede iblāġ ėtdi. Baʿżı // müfessirīn la‑uqsimu dur yalñuz lām ile hemzedür nihāyet fetḥa‑i lām // işbāʿ olınub elif mütevellid oldı dėmişler. Qırāʾat‑i İbn-i // Kes̱īr daḫı buña şāhiddür ki anlar işbāʿı fetḥasız La‑uqsimu oqumışlar. // Ammā qurrā qavlince lā cevābdur münkir‑i baʿs̱ olanlara. Yaʿnī Laysa // ka‑mā taqulūna - uqsimu bi‑hāḏa l‑baladi wa‑uqsimu bi‑yawmi l‑qiyāma. Pes bu qavl // üzre Mekkeye qasem müs̱bet olur menfī olmaz ammā qavl‑i evvel // üzre Mekkeye qasem menfī olur resūlu llāha müs̱bet olur. [Allāhu aʿlam.] Mesʾele: // Qawluhū taʿālā: Inna rabbaka la‑ḏū maġfiratin li‑n‑nāsi ʿalā ẓulmihim. El‑āyet. // Suʾāl olınmış ki āyet‑i kerīmede ẓulm muqābelesinde maġfiret olmaq // fehm olınur. Ẓulm ḫod sebeb‑i ʿuqūbetdür sebeb‑i maġfiret degüldür.